Қазақтар үшін той – ұлттық мәдениеттің ажырамас бөлігі екені баршаға мәлім. Бұл дәстүр сонау көне заманнан келе жатыр: ол кезде көшпенділер үйлену, бала сүю сынды маңызды оқиғаларды жақындарымен қауышу, араласу, танысу үшін себеп ретінде пайдаланған.
Алайда уақыт өте келе тойдың мәні өзгеріп кетті. Қазіргі таңда көпшілік үшін үлкен той жасау – өзін көрсету мен әлеуметтік статусын дәлелдеудің бір жолына айналды. Ұлының үйлену тойын немесе баласының шілдеханасын неғұрлым керемет, салтанатты өткізсе, адам соғұрлым ауқатты, ықпалды көрінеді. Қалғандары одан қалыспайын деп, осы бәсекеге кірісіп, бір-бірімен жарыса бастайды. «Көршім 300 адамға той жасады, демек мен 500 адам шақыруым керек. Мен одан кеммін бе? Немесе қадірім төмен бе?»
«Басқалардан кем болмау» деген комплекс көптеген қазақтардың өмірлік ұстанымына айналған. Олар үнемі айналасын бақылап, өз үйі, көлігі, тойы өзгелерден кем болмауын қадағалап жүреді. Кейде ол үшін қарызға батып, банктен несие алуға да мәжбүр болады – тек қана жұртқа жақсы көріну үшін, көзбояушылық жасау үшін.
COMMENTS